ਰਾਜ ਕੁੰਦਰਾ ਦੀ ਫ਼ਿਲਮ ‘ਦੀ ਗ੍ਰੇਟ ਪੰਜਾਬ’ ਦਾ ਦਮਦਾਰ ਟ੍ਰੇਲਰ ਰਿਲੀਜ਼, ਵੇਖੋ ਕਿਵੇਂ ਪੁਲਿਸ ਦੀਆਂ ਅੱਖਾਂ ‘ਚ ਧੂੜ ਝੋਕ ਕੇ ਫਰਾਰ ਹੋਏ

ਰਾਜ ਕੁੰਦਰਾ ਦੀ ਪੰਜਾਬੀ ਫ਼ਿਲਮ ‘ਦੀ ਗ੍ਰੇਟ ਪੰਜਾਬ’ ਦਾ ਦਮਦਾਰ ਟੇ੍ਰਲਰ ਰਿਲੀਜ਼ ਹੋ ਚੁੱਕਿਆ ਹੈ। ਟ੍ਰੇਲਰ ਦੀ ਸ਼ੁਰੂਆਤ ਬੰਬ ਧਮਾਕਿਆਂ ਨਾਲ ਹੁੰਦੀ ਹੈ ਅਤੇ ਫਿਰ ਰਾਜ ਕੁੰਦਰਾ ਦਾ ਡਾਇਲੌਗ ਆਉਂਦਾ ਹੈ। ਜਿਸ ‘ਚ ਉਹ ਬੋਲਦੇ ਦਿਖਾਈ ਦਿੰਦੇ ਹਨ ਕਿ ਜਦੋਂ ਕੋਈ ਜੋਕਰ ਤਖਤ ਤੇ ਬਹਿੰਦਾ  ਹੈ ਤਾਂ ਉਹ ਰਾਜਾ ਨਹੀਂ ਬਣਦਾ ਪੂਰੇ ਰਾਜ ਨੂੰ ਸਰਕਸ ਬਣਾ ਦਿੰਦਾ ਹੈ। ਇਸ ਤੋਂ ਬਾਅਦ ਡਕੈਤੀ ਦੇ ਕੁਝ ਵਿਜ਼ੂਅਲ ਨਜ਼ਰ ਆਉਂਦੇ ਹਨ ।

ਇਸ ਤੋਂ ਬਾਅਦ ਰਾਜ ਕੁੰਦਰਾ ਪੁਲਿਸ ਨੂੰ ਚੁਣੌਤੀ ਦਿੰਦਾ ਹੈ ਕਿ ਸੂਰਜ ਡੁੱਬਣ ਤੋਂ ਪਹਿਲਾਂ ਪਹਿਲਾਂ ਤੇਰੀਆਂ ਅੱਖਾਂ ਦੇ ਸਾਹਮਣੇ ਨਿਕਲਾਂਗਾ ਤੂੰ ਤੇ ਤੇਰੀ ਪੁਲਿਸ ਮੈਨੂੰ ਹੱਥ ਵੀ ਨਹੀਂ ਲਗਾ ਪਾਏਗੀ। ਜਿਸ ‘ਚ ਰਾਜ ਕੁੰਦਰਾ ਬੋਲਦੇ ਹਨ ਕਿ ਡਕੈਤ ਤਾਂ ਸਾਡੇ ਸਾਰਿਆਂ ਦੇ ਅੰਦਰ ਹੁੰਦਾ ਹੈ। ਜਦੋਂ ਜਿਸ ਨੂੰ ਮੌਕਾ ਮਿਲਦਾ ਹੈ ਉਹ ਲੁੱਟ ਲੈਂਦਾ ਹੈ ।

ਫ਼ਿਲਮ ਦੀ ਮੁੱਖ ਭੂਮਿਕਾ ‘ਚ ਰਾਜ ਸਿੰਘ ਕੁੰਦਰਾ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ।ਪਾਇਲ ਰਾਜਪੂਤ, ਗ੍ਰੈਵਿਤਾ ਸਾਧਵਾਨੀ ਅਤੇ ਮਹਾਬੀਰ ਭੁੱਲਰ ਵੀ ਡਕੈਤੀ ਕਰਦੇ ਹੋਏ ਨਜ਼ਰ ਆਉਣਗੇ। ਸੌਰਭ ਵਰਮਾ ਪਿਕਚਰਸ ਅਤੇ ਸਾਗਾ ਮਿਊਜ਼ਿਕ ਦੀ ਪੇਸ਼ਕਸ਼ ਇਸ ਫ਼ਿਲਮ ‘ਚ ਪੰਜਾਬ ‘ਚ ਹੋਈ ਸਭ ਤੋਂ ਵੱਡੀ ਡਕੈਤੀ ਨੂੰ ਦਰਸਾਇਆ ਜਾਵੇਗਾ। ਇਹ ਫ਼ਿਲਮ ਸੱਤ ਅਗਸਤ ਨੂੰ ਸਿਨੇਮਾਂ ਘਰਾਂ ‘ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਜਿਸ ਨੂੰ ਲੈ ਕੇ ਰਾਜ ਕੁੰਦਰਾ ਐਕਸਟਾਈਡ ਹਨ ਅਤੇ ਜ਼ੋਰ ਸ਼ੋਰ ਦੇ ਨਾਲ ਇਸ ਫ਼ਿਲਮ ਦੀ ਪ੍ਰਮੋਸ਼ਨ ਕਰ ਰਹੇ ਹਨ।