ਦੀਵਾਲੀ ਤੋਂ ਬਾਅਦ ‘ਰਾਮਾਇਣ’ ਨੇ ਬਾਕਸ ਆਫਿਸ ’ਤੇ ਮਚਾਈ ਧੂਮ, ਸੋਮਵਾਰ ਨੂੰ ਕਮਾਈ ਦੇ ਤੋੜੇ ਸਾਰੇ ਰਿਕਾਰਡ

ਬਾਲੀਵੁੱਡ ਅਦਾਕਾਰ ਰਣਬੀਰ ਕਪੂਰ, ਯਸ਼, ਸਾਈ ਪੱਲਵੀ, ਰਵੀ ਦੁਬੇ ਅਤੇ ਅਰੁਣ ਗੋਵਿਲ ਵਰਗੇ ਕਲਾਕਾਰਾਂ ਨਾਲ ਸਜੀ ਫਿਲਮ ‘ਰਾਮਾਇਣ’ ਇਨ੍ਹੀਂ ਦਿਨੀਂ ਬਾਕਸ ਆਫਿਸ ’ਤੇ ਜ਼ਬਰਦਸਤ ਪ੍ਰਦਰਸ਼ਨ ਕਰ ਰਹੀ ਹੈ। 5 ਨਵੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਇਸ ਮਿਥਿਹਾਸਕ ਫਿਲਮ ਨੇ ਦੀਵਾਲੀ ਦੇ ਤਿਉਹਾਰ ਤੋਂ ਬਾਅਦ ਕਮਾਈ ਦੇ ਨਵੇਂ ਰਿਕਾਰਡ ਬਣਾਉਣੇ ਸ਼ੁਰੂ ਕਰ ਦਿੱਤੇ ਹਨ।

By  Shaminder Kaur Kaler November 10th 2026 12:30 PM

ਬਾਲੀਵੁੱਡ ਅਦਾਕਾਰ ਰਣਬੀਰ ਕਪੂਰ, ਯਸ਼, ਸਾਈ ਪੱਲਵੀ, ਰਵੀ ਦੁਬੇ ਅਤੇ ਅਰੁਣ ਗੋਵਿਲ ਵਰਗੇ ਕਲਾਕਾਰਾਂ ਨਾਲ ਸਜੀ ਫਿਲਮ ‘ਰਾਮਾਇਣ’ ਇਨ੍ਹੀਂ ਦਿਨੀਂ ਬਾਕਸ ਆਫਿਸ ’ਤੇ ਜ਼ਬਰਦਸਤ ਪ੍ਰਦਰਸ਼ਨ ਕਰ ਰਹੀ ਹੈ। 5 ਨਵੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਇਸ ਮਿਥਿਹਾਸਕ ਫਿਲਮ ਨੇ ਦੀਵਾਲੀ ਦੇ ਤਿਉਹਾਰ ਤੋਂ ਬਾਅਦ ਕਮਾਈ ਦੇ ਨਵੇਂ ਰਿਕਾਰਡ ਬਣਾਉਣੇ ਸ਼ੁਰੂ ਕਰ ਦਿੱਤੇ ਹਨ।


ਫਿਲਮ ਨੇ ਰਿਲੀਜ਼ ਦੇ ਪਹਿਲੇ ਦਿਨ ਹੀ 64 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰਕੇ ਸ਼ਾਨਦਾਰ ਸ਼ੁਰੂਆਤ ਕੀਤੀ ਸੀ। ਹਾਲਾਂਕਿ ਦੂਜੇ ਦਿਨ ਇਸ ਦੀ ਕਮਾਈ ਵਿੱਚ ਗਿਰਾਵਟ ਦੇਖਣ ਨੂੰ ਮਿਲੀ। ਦੀਵਾਲੀ ਦੇ ਜਸ਼ਨਾਂ ਕਾਰਨ ਵੀਕਐਂਡ ਦੌਰਾਨ ਦਰਸ਼ਕਾਂ ਦੀ ਗਿਣਤੀ ਪ੍ਰਭਾਵਿਤ ਹੋਈ, ਪਰ ਸੋਮਵਾਰ ਨੂੰ ਫਿਲਮ ਨੇ ਜ਼ਬਰਦਸਤ ਵਾਪਸੀ ਕੀਤੀ।

ਪੰਜਵੇਂ ਦਿਨ ‘ਰਾਮਾਇਣ’ ਨੇ ਕੀਤੀ ਰਿਕਾਰਡਤੋੜ ਕਮਾਈ

ਸੈਕਨਿਲਕ ਦੇ ਅੰਕੜਿਆਂ ਮੁਤਾਬਕ, ਫਿਲਮ ਨੇ ਐਤਵਾਰ ਨੂੰ 56.15 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ, ਜਦਕਿ ਸੋਮਵਾਰ ਨੂੰ ਇਸ ਦੇ ਕਲੈਕਸ਼ਨ ਵਿੱਚ ਵੱਡਾ ਉਛਾਲ ਦੇਖਣ ਨੂੰ ਮਿਲਿਆ। ਰਿਲੀਜ਼ ਦੇ ਪੰਜਵੇਂ ਦਿਨ ਫਿਲਮ ਨੇ 93.49 ਕਰੋੜ ਰੁਪਏ ਦਾ ਨੈੱਟ ਕਲੈਕਸ਼ਨ ਕੀਤਾ। ਉੱਥੇ ਹੀ ਇਸ ਦਾ ਸੋਮਵਾਰ ਦਾ ਇੰਡੀਆ ਗ੍ਰਾਸ ਕਲੈਕਸ਼ਨ 110.32 ਕਰੋੜ ਰੁਪਏ ਰਿਹਾ।


ਇਹ ਕਮਾਈ 22,018 ਸ਼ੋਅਜ਼ ਦੌਰਾਨ 63.2 ਫੀਸਦੀ ਆਕਿਊਪੈਂਸੀ ਨਾਲ ਦਰਜ ਕੀਤੀ ਗਈ। ਇਸ ਤੋਂ ਸਾਫ਼ ਹੈ ਕਿ ਦੀਵਾਲੀ ਤੋਂ ਬਾਅਦ ਦਰਸ਼ਕ ਵੱਡੀ ਗਿਣਤੀ ਵਿੱਚ ਸਿਨੇਮਾਘਰਾਂ ਦਾ ਰੁਖ ਕਰ ਰਹੇ ਹਨ।

‘ਰਾਮਾਇਣ’ ਦਾ ਕੁੱਲ ਬਾਕਸ ਆਫਿਸ ਕਲੈਕਸ਼ਨ

ਪੰਜ ਦਿਨਾਂ ਦੀ ਕਮਾਈ ਤੋਂ ਬਾਅਦ ਫਿਲਮ ਦਾ ਨੈੱਟ ਇੰਡੀਆ ਕਲੈਕਸ਼ਨ 332.34 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜਦਕਿ ਗ੍ਰਾਸ ਇੰਡੀਆ ਕਲੈਕਸ਼ਨ 395.52 ਕਰੋੜ ਰੁਪਏ ਹੋ ਗਿਆ ਹੈ।ਦੁਨੀਆ ਭਰ ਵਿੱਚ ਵੀ ਫਿਲਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਰਿਪੋਰਟ ਮੁਤਾਬਕ, ‘ਰਾਮਾਇਣ’ ਨੇ ਚਾਰ ਦਿਨਾਂ ਵਿੱਚ ਹੀ 500 ਕਰੋੜ ਰੁਪਏ ਦਾ ਵਰਲਡਵਾਈਡ ਕਲੈਕਸ਼ਨ ਪਾਰ ਕਰ ਲਿਆ ਸੀ। ਪੰਜਵੇਂ ਦਿਨ ਦੇ ਅੰਕੜੇ ਇਸ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਕਮਾਈ ਹੋਰ ਵਧਣ ਦੀ ਉਮੀਦ ਹੈ।

ਪਹਿਲੇ ਪੰਜ ਦਿਨਾਂ ਦਾ ਕਲੈਕਸ਼ਨ

- ਪਹਿਲਾ ਦਿਨ: 64.85 ਕਰੋੜ ਰੁਪਏ

- ਦੂਜਾ ਦਿਨ: 48.05 ਕਰੋੜ ਰੁਪਏ

- ਤੀਜਾ ਦਿਨ: 69.80 ਕਰੋੜ ਰੁਪਏ

- ਚੌਥਾ ਦਿਨ: 56.15 ਕਰੋੜ ਰੁਪਏ

- ਪੰਜਵਾਂ ਦਿਨ: 93.49 ਕਰੋੜ ਰੁਪਏ

ਰਣਬੀਰ ਕਪੂਰ ਅਤੇ ਯਸ਼ ਦੀ ਅਦਾਕਾਰੀ ਨਾਲ ਸਜੀ ਇਸ ਫਿਲਮ ਨੂੰ ਮਿਲ ਰਿਹਾ ਦਰਸ਼ਕਾਂ ਦਾ ਪਿਆਰ ਇਸ ਦੀ ਕਾਮਯਾਬੀ ਨੂੰ ਹੋਰ ਵੱਡਾ ਬਣਾ ਰਿਹਾ ਹੈ।


Related Post

16ਵੇਂ ਦਿਨ ਵੀ ਬਾਕਸ ਆਫਿਸ ’ਤੇ ਛਾਈ 'ਰਾਮਾਇਣ', ਰਣਬੀਰ ਕਪੂਰ ਦੀ ਫ਼ਿਲਮ ਨੇ ਕਮਾਏ ਕਰੋੜਾਂ ਰੁਪਏ
ਸਮੰਥਾ ਰੂਥ ਪ੍ਰਭੂ ਬਣੀ ਮਾਂ, ਬੇਬੀ ਬੁਆਏ ਨੂੰ ਦਿੱਤਾ ਜਨਮ, ਤਸਵੀਰ ਸਾਂਝੀ ਕਰਕੇ ਅਦਾਕਾਰਾ ਨੇ ਦਿੱਤੀ ਜਾਣਕਾਰੀ
ਅਫੇਅਰ ਦੀਆਂ ਖ਼ਬਰਾਂ ਵਿਚਾਲੇ ਕ੍ਰਿਤੀ ਸੈਨਨ ਨੇ ਕਬੀਰ ਬਹੀਆ ’ਤੇ ਲੁਟਾਇਆ ਪਿਆਰ, ਖ਼ਾਸ ਤਸਵੀਰ ਸਾਂਝੀ ਕਰ ਦਿੱਤੀ ਜਨਮਦਿਨ ਦੀ ਵਧਾਈ
ਤੱਬੂ ਦੀ OTT ਦੁਨੀਆ ਵਿੱਚ ਨਵੀਂ ਪਾਰੀ, YRF ਦੀ Netflix ਸੀਰੀਜ਼ ‘ਟਨਲ ਮੈਨ’ ਵਿੱਚ ਆਵੇਗੀ ਨਜ਼ਰ; ਉੱਤਰਾਖੰਡ ਰੈਸਕਿਊ ਆਪ੍ਰੇਸ਼ਨ ਤੋਂ ਪ੍ਰੇਰਿਤ ਹੈ ਕਹਾਣੀ
ਦੀਆ ਮਿਰਜ਼ਾ ਨੇ ਨਵਾਜ਼ੂਦੀਨ ਸਿੱਦੀਕੀ ਨੂੰ ਕਿਹਾ “ਨਾ ਬਾਤ ਕਰਨੇ ਕੀ ਤਮੀਜ਼ ਹੈ” ਅਦਾਕਾਰ ਨੇ ਦਿੱਤਾ ਜਵਾਬ “ਕਾਮ ਮੇ ਕਮੀ ਹੈ ਤੋ ਨਿਕਾਲ ਕੇ ਦਿਖਾਓ”
ਸੋਨਾ ਮਹਾਪਾਤਰਾ ਨੇ ਸਲਮਾਨ ਖ਼ਾਨ 'ਤੇ ਕੱਸਿਆ ਤੰਜ਼, ਗਾਇਕੀ ਦਾ ਉਡਾਇਆ ਮਜ਼ਾਕ, ਪੁਰਾਣੇ ਵਿਵਾਦ ਨੂੰ ਲੈ ਕੇ ਵੀ ਖੋਲ੍ਹੇ ਰਾਜ਼

© Copyright Galactic Television & Communications Pvt. Ltd. 2026. All rights reserved.