ਰਾਇਲ ਓਪੇਰਾ ਹਾਊਸ ’ਚ ਹੋਇਆ ‘ਯੇਹ ਪ੍ਰੇਮ ਮੋਲ ਲਿਆ’ ਦਾ ਮਿਊਜ਼ਿਕ ਲਾਂਚ, ਸ਼ਰਵਰੀ ਨੇ ਸਾਂਝੀਆਂ ਕੀਤੀਆਂ ਖਾਸ ਤਸਵੀਰਾਂ

ਬਾਲੀਵੁੱਡ ਅਦਾਕਾਰਾ ਸ਼ਰਵਰੀ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ ‘ਯੇਹ ਪ੍ਰੇਮ ਮੋਲ ਲਿਆ’ ਨੂੰ ਲੈ ਕੇ ਚਰਚਾ ਵਿੱਚ ਹੈ। ਸੂਰਜ ਬੜਜਾਤਿਆ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਦੀ ਪ੍ਰਮੋਸ਼ਨ ਦੀ ਸ਼ੁਰੂਆਤ ਮੁੰਬਈ ਦੇ ਮਸ਼ਹੂਰ ਰਾਇਲ ਓਪੇਰਾ ਹਾਊਸ ਤੋਂ ਕੀਤੀ ਗਈ, ਜਿੱਥੇ ਫਿਲਮ ਦੇ ਮਿਊਜ਼ਿਕ ਲਾਂਚ ਦਾ ਖਾਸ ਸਮਾਗਮ ਰੱਖਿਆ ਗਿਆ।ਇਸ ਮੌਕੇ ਸ਼ਰਵਰੀ ਨੇ ਸੋਸ਼ਲ ਮੀਡੀਆ ’ਤੇ ਕੁਝ ਤਸਵੀਰਾਂ ਅਤੇ ਝਲਕੀਆਂ ਸਾਂਝੀਆਂ ਕਰਦਿਆਂ ਆਪਣੀਆਂ ਭਾਵਨਾਵਾਂ ਵੀ ਪ੍ਰਗਟ ਕੀਤੀਆਂ। ਅਦਾਕਾਰਾ ਨੇ ਦੱਸਿਆ ਕਿ ਰਾਇਲ ਓਪੇਰਾ ਹਾਊਸ ਅਜਿਹੀ ਥਾਂ ਹੈ, ਜਿੱਥੇ ਕਈ ਪੀੜ੍ਹੀਆਂ ਨੇ ਪਰਿਵਾਰ ਨਾਲ ਮਿਲ ਕੇ ਕਹਾਣੀਆਂ, ਗੀਤਾਂ ਅਤੇ ਫਿਲਮਾਂ ਨੂੰ ਜੀਵੰਤ ਹੁੰਦੇ ਦੇਖਿਆ ਹੈ।

ਸ਼ਰਵਰੀ ਲਈ ਇਸ ਇਤਿਹਾਸਕ ਥਾਂ ਤੋਂ ਫਿਲਮ ਦੀ ਪ੍ਰਮੋਸ਼ਨ ਸ਼ੁਰੂ ਕਰਨਾ ਹੋਰ ਵੀ ਖਾਸ ਸੀ, ਕਿਉਂਕਿ ‘ਯੇਹ ਪ੍ਰੇਮ ਮੋਲ ਲਿਆ’ ਉਸ ਦੀ ਨਿਰਦੇਸ਼ਕ ਸੂਰਜ ਬੜਜਾਤਿਆ ਅਤੇ ਅਦਾਕਾਰ ਆਯੁਸ਼ਮਾਨ ਖੁਰਾਨਾ ਨਾਲ ਪਹਿਲੀ ਸਾਂਝ ਹੈ। ਫਿਲਮ ਦੀ ਕਹਾਣੀ ਵਿੱਚ ਪਰਿਵਾਰ, ਰਿਸ਼ਤਿਆਂ, ਜਜ਼ਬਾਤਾਂ ਅਤੇ ਸੰਗੀਤ ਨੂੰ ਅਹਿਮ ਸਥਾਨ ਦਿੱਤਾ ਗਿਆ ਹੈ।

ਸ਼ਰਵਰੀ ਲਈ ਯਾਦਗਾਰ ਰਿਹਾ ਮਿਊਜ਼ਿਕ ਲਾਂਚ

ਸ਼ਰਵਰੀ ਨੇ ਇਸ ਮੌਕੇ ਨੂੰ ਆਪਣੀ ਜ਼ਿੰਦਗੀ ਦੇ ਖਾਸ ਪਲਾਂ ਵਿੱਚੋਂ ਇੱਕ ਦੱਸਿਆ। ਉਨ੍ਹਾਂ ਮੁਤਾਬਕ ਫਿਲਮ ਦੇ ਸੰਗੀਤ ਨੂੰ ਅਜਿਹੇ ਇਤਿਹਾਸਕ ਅਤੇ ਕਲਾਤਮਕ ਸਥਾਨ ’ਤੇ ਪੇਸ਼ ਕਰਨਾ ਬਹੁਤ ਖੂਬਸੂਰਤ ਤਜਰਬਾ ਰਿਹਾ। ਉਨ੍ਹਾਂ ਨੇ ਕਿਹਾ ਕਿ ਇਹ ਸ਼ਾਮ ਉਹ ਹਮੇਸ਼ਾ ਆਪਣੇ ਦਿਲ ਦੇ ਕਰੀਬ ਰੱਖੇਗੀ।ਸੂਰਜ ਬੜਜਾਤਿਆ ਦੀਆਂ ਫਿਲਮਾਂ ਆਪਣੀ ਪਰਿਵਾਰਕ ਕਹਾਣੀ, ਭਾਵਨਾਤਮਕ ਰਿਸ਼ਤਿਆਂ ਅਤੇ ਸੰਗੀਤ ਲਈ ਜਾਣੀਆਂ ਜਾਂਦੀਆਂ ਹਨ। ਇਸ ਕਾਰਨ ਰਾਇਲ ਓਪੇਰਾ ਹਾਊਸ ਵਰਗੇ ਇਤਿਹਾਸਕ ਸਥਾਨ ’ਤੇ ਫਿਲਮ ਦੇ ਸੰਗੀਤ ਦੀ ਸ਼ੁਰੂਆਤ ਨੂੰ ਵੀ ਖਾਸ ਮਹੱਤਵ ਮਿਲਿਆ।

27 ਨਵੰਬਰ ਨੂੰ ਰਿਲੀਜ਼ ਹੋਵੇਗੀ ਫਿਲਮ

‘ਯੇਹ ਪ੍ਰੇਮ ਮੋਲ ਲਿਆ’ ਵਿੱਚ ਆਯੁਸ਼ਮਾਨ ਖੁਰਾਨਾ ਅਤੇ ਸ਼ਰਵਰੀ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਸੂਰਜ ਬੜਜਾਤਿਆ ਨੇ ਕੀਤਾ ਹੈ। ਇਹ ਫਿਲਮ 27 ਨਵੰਬਰ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤੈਅ ਹੈ। ਹੁਣ ਫਿਲਮ ਦੇ ਮਿਊਜ਼ਿਕ ਲਾਂਚ ਤੋਂ ਬਾਅਦ ਦਰਸ਼ਕਾਂ ਦੀ ਨਜ਼ਰ ਇਸ ਦੀਆਂ ਅਗਲੀਆਂ ਪ੍ਰਮੋਸ਼ਨਲ ਗਤੀਵਿਧੀਆਂ ਅਤੇ ਗੀਤਾਂ ’ਤੇ ਰਹੇਗੀ।