logo
logo

Bigg Boss 20 'ਚ 7 ਸਾਲ ਦੀ ਤਾਰਾ ਦਾ ਨਾਮ ਆਉਣ 'ਤੇ ਭੜਕੇ ਜੈ ਭਾਨੁਸ਼ਾਲੀ, ਬੱਚਿਆਂ ਨੂੰ ਸ਼ੋਅ ਨਾ ਦਿਖਾਉਣ ਦਾ ਲਿਆ ਫੈਸਲਾ

Bigg Boss 20 ਵਿੱਚ ਮੁਕਾਬਲੇਬਾਜ਼ਾਂ ਵਿਚਕਾਰ ਚੱਲ ਰਹੀ ਤਕਰਾਰ ਹੁਣ ਉਨ੍ਹਾਂ ਦੇ ਪਰਿਵਾਰਾਂ ਤੱਕ ਪਹੁੰਚਦੀ ਨਜ਼ਰ ਆ ਰਹੀ ਹੈ। ਹਾਲ ਹੀ ਵਿੱਚ ਕੈਪਟੈਂਸੀ ਟਾਸਕ ਦੌਰਾਨ ਅਦਾਕਾਰਾ ਮਾਹੀ ਵਿਜ ਦੀ 7 ਸਾਲਾ ਧੀ ਤਾਰਾ ਭਾਨੁਸ਼ਾਲੀ ਦਾ ਨਾਮ ਲਏ ਜਾਣ ਤੋਂ ਬਾਅਦ ਨਵਾਂ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਇਸ ਘਟਨਾ ਤੋਂ ਬਾਅਦ ਮਾਹੀ ਦੇ ਸਾਬਕਾ ਪਤੀ ਅਤੇ ਅਦਾਕਾਰ ਜੈ ਭਾਨੁਸ਼ਾਲੀ ਨੇ ਆਪਣੀ ਨਾਰਾਜ਼ਗੀ ਖੁੱਲ੍ਹ ਕੇ ਜ਼ਾਹਰ ਕੀਤੀ ਹੈ।

ਕੈਪਟੈਂਸੀ ਟਾਸਕ ਦੌਰਾਨ ਬੱਚੀ ਦਾ ਨਾਮ ਲੈਣ 'ਤੇ ਉੱਠੇ ਸਵਾਲ

ਦਰਅਸਲ, ਕੈਪਟੈਂਸੀ ਟਾਸਕ ਵਿੱਚ ਮਾਹੀ ਵਿਜ ਨੂੰ ਕੁਰਸੀ ਤੋਂ ਉਠਾਉਣ ਲਈ ਯੰਗ ਡੀਐੱਸਏ, ਉਦਿਤੀ ਸਿੰਘ ਅਤੇ ਕਨਿਕਾ ਮਾਨ ਵੱਲੋਂ ਵੱਖ-ਵੱਖ ਤਰੀਕੇ ਅਪਣਾਏ ਗਏ। ਇਸ ਦੌਰਾਨ ਮਾਹੀ ਦੀ ਧੀ ਤਾਰਾ ਦਾ ਜ਼ਿਕਰ ਵੀ ਕੀਤਾ ਗਿਆ। ਸ਼ੋਅ ਵਿੱਚ ਹੋਈ ਇਸ ਘਟਨਾ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਵੀ ਚਰਚਾ ਸ਼ੁਰੂ ਹੋ ਗਈ ਹੈ।

ਜੈ ਭਾਨੁਸ਼ਾਲੀ ਨੇ ਇੰਸਟਾਗ੍ਰਾਮ 'ਤੇ ਕੱਢੀ ਭੜਾਸ

ਇਸ ਪੂਰੇ ਮਾਮਲੇ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਜੈ ਭਾਨੁਸ਼ਾਲੀ ਨੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕੀਤੀ। ਉਨ੍ਹਾਂ ਕਿਹਾ ਕਿ ਇੱਕ ਪਿਤਾ ਹੋਣ ਦੇ ਨਾਤੇ ਉਨ੍ਹਾਂ ਨੇ ਫੈਸਲਾ ਕੀਤਾ ਹੈ ਕਿ ਹੁਣ ਉਹ ਆਪਣੇ ਬੱਚਿਆਂ ਨੂੰ ਬਿੱਗ ਬੌਸ ਨਹੀਂ ਦੇਖਣ ਦੇਣਗੇ। ਜੈ ਨੇ ਆਪਣੀ ਪੋਸਟ ਵਿੱਚ ਯੰਗ ਡੀਐੱਸਏ ਅਤੇ ਕਨਿਕਾ ਮਾਨ ਵੱਲੋਂ ਟਾਸਕ ਦੌਰਾਨ ਕੀਤੀਆਂ ਗਈਆਂ ਟਿੱਪਣੀਆਂ 'ਤੇ ਇਤਰਾਜ਼ ਜਤਾਇਆ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਇੱਕ ਗੇਮ ਜਿੱਤਣ ਜਾਂ ਕਿਸੇ ਮੁਕਾਬਲੇਬਾਜ਼ ਨੂੰ ਚੁਣੌਤੀ ਦੇਣ ਲਈ ਉਸ ਦੇ ਬੱਚਿਆਂ ਨੂੰ ਵਿਚਕਾਰ ਲਿਆਉਣਾ ਠੀਕ ਨਹੀਂ ਹੈ।

'ਤਾਰਾ ਸਿਰਫ਼ 7 ਸਾਲ ਦੀ ਬੱਚੀ ਹੈ, ਉਹ ਮੁਕਾਬਲੇਬਾਜ਼ ਨਹੀਂ'

ਜੈ ਨੇ ਆਪਣੀ ਗੱਲ ਰੱਖਦਿਆਂ ਕਿਹਾ ਕਿ ਤਾਰਾ ਅਜੇ ਸਿਰਫ਼ ਸੱਤ ਸਾਲ ਦੀ ਹੈ ਅਤੇ ਉਸ ਦਾ ਇਸ ਰਿਐਲਿਟੀ ਸ਼ੋਅ ਜਾਂ ਮੁਕਾਬਲੇਬਾਜ਼ਾਂ ਦੀ ਖੇਡ ਨਾਲ ਕੋਈ ਸਬੰਧ ਨਹੀਂ ਹੈ। ਉਨ੍ਹਾਂ ਮੁਤਾਬਕ ਕਿਸੇ ਦੀਆਂ ਗਲਤੀਆਂ ਜਾਂ ਗੇਮਪਲੇਅ 'ਤੇ ਸਵਾਲ ਚੁੱਕਣਾ ਵੱਖਰੀ ਗੱਲ ਹੈ, ਪਰ ਉਸ ਦੇ ਬੱਚਿਆਂ ਨੂੰ ਨਿਸ਼ਾਨਾ ਬਣਾਉਣਾ ਸਹੀ ਨਹੀਂ।ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਉਹ ਨਹੀਂ ਚਾਹੁੰਦੇ ਕਿ ਉਨ੍ਹਾਂ ਦੇ ਬੱਚੇ ਅਜਿਹੀਆਂ ਗੱਲਾਂ ਕਾਰਨ ਕਿਸੇ ਮਾਨਸਿਕ ਪਰੇਸ਼ਾਨੀ ਵਿੱਚੋਂ ਲੰਘਣ। ਉਨ੍ਹਾਂ ਲਈ ਬੱਚਿਆਂ ਦੀ ਮਾਸੂਮੀਅਤ ਅਤੇ ਮਾਨਸਿਕ ਸ਼ਾਂਤੀ ਸਭ ਤੋਂ ਵੱਧ ਮਹੱਤਵ ਰੱਖਦੀ ਹੈ।

ਮਾਹੀ ਦੇ ਸਮਰਥਨ ਵਿੱਚ ਖੜ੍ਹੇ ਨਜ਼ਰ ਆਏ ਜੈ

ਜੈ ਭਾਨੁਸ਼ਾਲੀ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਨੇ ਪਹਿਲਾਂ ਕਿਸੇ ਦੇ ਗੇਮਪਲੇਅ ਬਾਰੇ ਜਨਤਕ ਤੌਰ 'ਤੇ ਟਿੱਪਣੀ ਨਾ ਕਰਨ ਦਾ ਫੈਸਲਾ ਕੀਤਾ ਸੀ, ਪਰ ਬੱਚਿਆਂ ਦਾ ਨਾਮ ਇਸ ਵਿਵਾਦ ਵਿੱਚ ਆਉਣ ਤੋਂ ਬਾਅਦ ਉਨ੍ਹਾਂ ਨੂੰ ਆਪਣੀ ਗੱਲ ਰੱਖਣੀ ਪਈ।ਆਪਣੀ ਪੋਸਟ ਦੇ ਅਖੀਰ ਵਿੱਚ ਉਨ੍ਹਾਂ ਨੇ 'ਅਲਵਿਦਾ ਬਿੱਗ ਬੌਸ 20' ਲਿਖਦਿਆਂ ਆਪਣੇ ਬੱਚਿਆਂ ਨੂੰ ਅੱਗੇ ਤੋਂ ਇਹ ਸ਼ੋਅ ਨਾ ਦਿਖਾਉਣ ਦਾ ਫੈਸਲਾ ਦੁਹਰਾਇਆ।

 

- GTC Pollywood

Top Stories