ਸੁਨੀਲ ਲਹਿਰੀ ਨੇ ਲਈ ਹੈ ਮਿਲਟਰੀ ਟ੍ਰੇਨਿੰਗ, ਕਿਹਾ ‘ਮੁੰਡਾ ਹੋਵੇ ਜਾਂ ਕੁੜੀ ਹਰੇਕ ਨੂੰ ਮਿਲੇ ਟ੍ਰੇਨਿੰਗ’, ਵੀਡੀਓ ਹੋ ਰਿਹਾ ਵਾਇਰਲ

ਸੁਨੀਲ ਲਹਿਰੀ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਸੁਨੀਲ ਲਹਿਰੀ ਕਹਿ ਰਹੇ ਹਨ ਕਿ ‘ਮੁੰਡਾ ਹੋਵੇ ਜਾਂ ਕੁੜੀ ਹਰ ਸਾਲ ਅਠਾਰਾਂ ਸਾਲ ਦੇ ਨੌਜਵਾਨਾਂ ਨੂੰ ਮਿਲਟਰੀ ਜਾਂ ਐਨਸੀਸੀ ਦੀ ਟ੍ਰੇਨਿੰਗ ਤੋਂ ਜ਼ਰੂਰ ਗੁਜ਼ਰਨਾ ਚਾਹੀਦਾ ਹੈ। ਸੁਨੀਲ ਲਹਿਰੀ ਨੇ ਕਿਹਾ ਕਿ ‘ਉਨ੍ਹਾਂ ਨੇ ਖੁਦ ਵੀ ਇੱਕ ਮਹੀਨੇ ਦੀ ਕਰੜੀ ਟ੍ਰੇਨਿੰਗ ਲਈ ਸੀ ।ਸੁਨੀਲ ਲਹਿਰੀ ਇਸ ਵੀਡੀਓ ‘ਚ ਕਹਿ ਰਹੇ ਹਨ ਕਿ ‘ਇਹ ਸਾਡੇ ਦੇਸ਼ ਦੀ ਬਦਕਿਸਮਤੀ ਹੈ ਕਿ ਸਾਡੇ ਦੇਸ਼ ‘ਚ ਸੈਨਿਕਾਂ ਨੂੰ ਜਾਂ ਦੇਸ਼ ਦੀ ਸੈਨਾ ਨੂੰ ਜੋ ਸਨਮਾਨ ਮਿਲਣਾ ਚਾਹੀਦਾ ਹੈ ।

ਉਹ ਸਨਮਾਨ ਲੋਕਾਂ ਤੋਂ ਨਹੀਂ ਮਿਲਦਾ ਹੈ ਅਤੇ ਤੁਸੀਂ ਦੂਜੇ ਦੇਸ਼ਾਂ ‘ਚ ਵੇਖੋ ਜਦੋਂ ਕੋਈ ਸੈਨਿਕ ਕਿਸੇ ਦੇ ਸਾਹਮਣੇ ਤੋਂ ਗੁਜ਼ਰਦਾ ਹੈ ਤਾਂ ਉਹ ਮਾਣ ਮਹਿਸੂਸ ਕਰਦਾ ਹੈ ਅਤੇ ਆਰਮੀ ਮੈਨ ਨੂੰ ਸੈਲਿਊਟ ਕਰਦਾ ਹੈ।ਜੋ ਆਰਮੀ ਵਾਲਿਆਂ ਨੂੰ ਸਨਮਾਨ ਦਿੱਤਾ ਜਾਂਦਾ ਹੈ ਉਹ ਵੇਖਣ ਲਾਇਕ ਹੁੰਦਾ ਹੈ’। 

ਸੁਨੀਲ ਲਹਿਰੀ ਸੋਸ਼ਲ ਮੀਡੀਆ ਤੇ ਸਰਗਰਮ 

ਸੁਨੀਲ ਲਹਿਰੀ ਸੋਸ਼ਲ ਮੀਡੀਆ ‘ਤੇ ਸਰਗਰਮ ਰਹਿੰਦੇ ਹਨ ਅਤੇ ਅਕਸਰ ਉਹ ਵੱਖ-ਵੱਖ ਮੁੱਦਿਆਂ ‘ਤੇ ਆਪਣੀ ਰਾਇ ਦਿੰਦੇ ਰਹਿੰਦੇ ਹਨ। ਕੁਝ ਦਿਨ ਪਹਿਲਾਂ ਉਨ੍ਹਾਂ ਨੇ ਆਪਣੇ ਪੋਤੇ ਨਾਲ ਆਪਣੇ ਫਾਰਮ ਹਾਊਸ ਦਾ ਵੀਡੀਓ ਵੀ ਸਾਂਝਾ ਕੀਤਾ ਸੀ। ਇਸ ਵੀਡੀਓ ‘ਚ ਉਹ ਆਪਣੇ ਪੋਤੇ ਦੇ ਨਾਲ ਮਸਤੀ ਕਰਦੇ ਹੋਏ ਨਜ਼ਰ ਆਏ ਸਨ।