ਸੋਸ਼ਲ ਮੀਡੀਆ ’ਤੇ ਅੱਜਕੱਲ੍ਹ ਕਈ ਤਰ੍ਹਾਂ ਦੇ ਨਵੇਂ ਹੈਲਥ ਅਤੇ ਸਲੀਪ ਹੈਕ ਵਾਇਰਲ ਹੁੰਦੇ ਰਹਿੰਦੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਟ੍ਰੈਂਡ ਹੈ ਮਾਊਥ ਟੇਪਿੰਗ, ਜਿਸ ਵਿੱਚ ਲੋਕ ਰਾਤ ਨੂੰ ਸੌਣ ਸਮੇਂ ਆਪਣੇ ਬੁੱਲ੍ਹਾਂ ’ਤੇ ਟੇਪ ਲਗਾ ਲੈਂਦੇ ਹਨ। ਇਸ ਦਾ ਮਕਸਦ ਮੂੰਹ ਰਾਹੀਂ ਸਾਹ ਲੈਣ ਦੀ ਆਦਤ ਅਤੇ ਘੁਰਾੜਿਆਂ ਨੂੰ ਘਟਾਉਣਾ ਦੱਸਿਆ ਜਾਂਦਾ ਹੈ।ਇਸ ਟ੍ਰੈਂਡ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਕਈ ਤਰ੍ਹਾਂ ਦੇ ਦਾਅਵੇ ਵੀ ਕੀਤੇ ਜਾਂਦੇ ਹਨ।
Add GTC Pollywood on Google
ਸੋਸ਼ਲ ਮੀਡੀਆ ’ਤੇ ਅੱਜਕੱਲ੍ਹ ਕਈ ਤਰ੍ਹਾਂ ਦੇ ਨਵੇਂ ਹੈਲਥ ਅਤੇ ਸਲੀਪ ਹੈਕ ਵਾਇਰਲ ਹੁੰਦੇ ਰਹਿੰਦੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਟ੍ਰੈਂਡ ਹੈ ਮਾਊਥ ਟੇਪਿੰਗ, ਜਿਸ ਵਿੱਚ ਲੋਕ ਰਾਤ ਨੂੰ ਸੌਣ ਸਮੇਂ ਆਪਣੇ ਬੁੱਲ੍ਹਾਂ ’ਤੇ ਟੇਪ ਲਗਾ ਲੈਂਦੇ ਹਨ। ਇਸ ਦਾ ਮਕਸਦ ਮੂੰਹ ਰਾਹੀਂ ਸਾਹ ਲੈਣ ਦੀ ਆਦਤ ਅਤੇ ਘੁਰਾੜਿਆਂ ਨੂੰ ਘਟਾਉਣਾ ਦੱਸਿਆ ਜਾਂਦਾ ਹੈ।ਇਸ ਟ੍ਰੈਂਡ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਕਈ ਤਰ੍ਹਾਂ ਦੇ ਦਾਅਵੇ ਵੀ ਕੀਤੇ ਜਾਂਦੇ ਹਨ। ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਮੂੰਹ ਟੇਪ ਕਰਕੇ ਸੌਣ ਨਾਲ ਨੀਂਦ ਦੀ ਗੁਣਵੱਤਾ ਬਿਹਤਰ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਜੌਲਾਈਨ ਨੂੰ ਸ਼ਾਰਪ ਕਰਨ ਅਤੇ ਐਂਟੀ-ਏਜਿੰਗ ਵਰਗੇ ਫਾਇਦਿਆਂ ਦੇ ਦਾਅਵੇ ਵੀ ਸਾਹਮਣੇ ਆਉਂਦੇ ਹਨ। ਹਾਲਾਂਕਿ, ਇਨ੍ਹਾਂ ਦਾਅਵਿਆਂ ਨੂੰ ਸਾਬਤ ਕਰਨ ਲਈ ਮਜ਼ਬੂਤ ਵਿਗਿਆਨਕ ਸਬੂਤ ਕਾਫ਼ੀ ਨਹੀਂ ਹਨ।
ਮਾਹਿਰ ਕਿਉਂ ਕਰਦੇ ਹਨ ਸਾਵਧਾਨ?
ਮੈਡੀਕਲ ਮਾਹਿਰਾਂ ਮੁਤਾਬਕ ਹਰ ਵਿਅਕਤੀ ਲਈ ਮਾਊਥ ਟੇਪਿੰਗ ਸੁਰੱਖਿਅਤ ਨਹੀਂ ਮੰਨੀ ਜਾ ਸਕਦੀ। ਖਾਸ ਕਰਕੇ ਜਿਨ੍ਹਾਂ ਲੋਕਾਂ ਨੂੰ ਸਲੀਪ ਐਪਨੀਆ, ਨੱਕ ਬੰਦ ਰਹਿਣ ਦੀ ਸਮੱਸਿਆ ਜਾਂ ਐਲਰਜੀ ਹੁੰਦੀ ਹੈ, ਉਨ੍ਹਾਂ ਲਈ ਮੂੰਹ ’ਤੇ ਟੇਪ ਲਗਾ ਕੇ ਸੌਣਾ ਸਾਹ ਲੈਣ ਵਿੱਚ ਮੁਸ਼ਕਲ ਪੈਦਾ ਕਰ ਸਕਦਾ ਹੈ।ਜੇ ਕਿਸੇ ਵਿਅਕਤੀ ਨੂੰ ਰਾਤ ਸਮੇਂ ਪਹਿਲਾਂ ਹੀ ਸਾਹ ਲੈਣ ਵਿੱਚ ਦਿੱਕਤ ਹੁੰਦੀ ਹੈ, ਤਾਂ ਮੂੰਹ ਨੂੰ ਟੇਪ ਨਾਲ ਬੰਦ ਕਰਨਾ ਸਮੱਸਿਆ ਨੂੰ ਹੋਰ ਗੰਭੀਰ ਕਰ ਸਕਦਾ ਹੈ। ਇਸੇ ਕਾਰਨ ਮਾਹਿਰ ਸੋਸ਼ਲ ਮੀਡੀਆ ’ਤੇ ਦੇਖੇ ਕਿਸੇ ਵੀ ਹੈਲਥ ਟ੍ਰੈਂਡ ਨੂੰ ਬਿਨਾਂ ਸੋਚੇ-ਸਮਝੇ ਅਪਣਾਉਣ ਤੋਂ ਸਾਵਧਾਨ ਕਰਦੇ ਹਨ।
ਘੁਰਾੜਿਆਂ ਦਾ ਹੱਲ ਸਿਰਫ਼ ਮਾਊਥ ਟੇਪਿੰਗ ਨਹੀਂ
ਖਰਾਟੇ ਆਉਣ ਜਾਂ ਮੂੰਹ ਰਾਹੀਂ ਸਾਹ ਲੈਣ ਦੇ ਪਿੱਛੇ ਕਈ ਵੱਖ-ਵੱਖ ਕਾਰਨ ਹੋ ਸਕਦੇ ਹਨ। ਨੱਕ ਨਾਲ ਜੁੜੀ ਸਮੱਸਿਆ, ਐਲਰਜੀ ਜਾਂ ਸਲੀਪ ਐਪਨੀਆ ਵਰਗੀਆਂ ਸਥਿਤੀਆਂ ਦੀ ਪਛਾਣ ਕਰਨਾ ਜ਼ਰੂਰੀ ਹੈ। ਇਸ ਲਈ ਜੇ ਕਿਸੇ ਵਿਅਕਤੀ ਨੂੰ ਲਗਾਤਾਰ ਖਰਾਟੇ ਆਉਂਦੇ ਹਨ ਜਾਂ ਨੀਂਦ ਦੌਰਾਨ ਸਾਹ ਰੁਕਣ ਵਰਗੀ ਸਮੱਸਿਆ ਮਹਿਸੂਸ ਹੁੰਦੀ ਹੈ, ਤਾਂ ਮਾਹਿਰ ਨਾਲ ਸਲਾਹ ਕਰਨਾ ਵਧੇਰੇ ਉਚਿਤ ਹੈ। ਮਾਊਥ ਟੇਪਿੰਗ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਭਾਵੇਂ ਕਿੰਨੇ ਵੀ ਫਾਇਦੇ ਦੱਸੇ ਜਾਣ, ਆਪਣੀ ਸਿਹਤ ਨਾਲ ਜੁੜੇ ਅਜਿਹੇ ਪ੍ਰਯੋਗ ਕਰਨ ਤੋਂ ਪਹਿਲਾਂ ਡਾਕਟਰੀ ਸਲਾਹ ਲੈਣਾ ਜ਼ਰੂਰੀ ਹੈ। ਖਾਸ ਕਰਕੇ ਜੇ ਪਹਿਲਾਂ ਤੋਂ ਸਾਹ ਨਾਲ ਸਬੰਧਤ ਕੋਈ ਸਮੱਸਿਆ ਹੈ, ਤਾਂ ਇਸ ਟ੍ਰੈਂਡ ਨੂੰ ਅਜ਼ਮਾਉਣ ਤੋਂ ਬਚਣਾ ਚਾਹੀਦਾ ਹੈ।
- GTC Pollywood
