ਸਿੰਮੀ ਚਾਹਲ ਨੇ ਨਿਭਾਏ ਪੱਕੋ, ਗੁੱਡੀ ਤੇ ਬਸੰਤ ਕੌਰ ਸਣੇ ਕਈ ਯਾਦਗਾਰ ਕਿਰਦਾਰ, ਤੁਹਾਨੂੰ ਕਿਸ ਕਿਰਦਾਰ ‘ਚ ਜ਼ਿਆਦਾ ਵਧੀਆ ਲੱਗੀ ਅਦਾਕਾਰਾ

ਸਿੰਮੀ ਚਾਹਲ ਪੰਜਾਬੀ ਇੰਡਸਟਰੀ ਦੀਆਂ ਮਸ਼ਹੂਰ ਅਭਿਨੇਤਰੀਆਂ ਚੋਂ ਇੱਕ ਹਨ।ਉਹ ਆਪਣੇ ਚੁਲਬੁਲੇ ਅੰਦਾਜ਼ ਦੇ ਲਈ ਜਾਣੇ ਜਾਂਦੇ ਹਨ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੇ ਵੱਲੋਂ ਨਿਭਾਏ ਗਏ ਕਿਰਦਾਰਾਂ ਦੇ ਬਾਰੇ ਦੱਸਾਂਗੇ ।ਜਿਸ ਕਾਰਨ ਉਹ ਆਪਣੇ ਨਾਂਅ ਨਾਲੋਂ ਜ਼ਿਆਦਾ ਆਪਣੇ ਵੱਲੋਂ ਫ਼ਿਲਮਾਂ ‘ਚ ਨਿਭਾਏ ਗਏ ਕਿਰਦਾਰਾਂ ਕਰਕੇ ਮਸ਼ਹੂਰ ਹੋਏ ਹਨ। ਉਂਝ ਤਾਂ ਉਨ੍ਹਾਂ ਦੇ ਵੱਲੋਂ ਫ਼ਿਲਮਾਂ ‘ਚ ਕਈ ਕਿਰਦਾਰ ਨਿਭਾਏ ਹਨ । ਪਰ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੇ ਵੱਲੋਂ ਨਿਭਾਏ ਗਏ ਉਨ੍ਹਾਂ ਕਿਰਦਾਰਾਂ ਦਾ ਜ਼ਿਕਰ ਕਰਾਂਗੇ। ਜਿਨ੍ਹਾਂ ਕਿਰਦਾਰਾਂ ਕਰਕੇ ਉਹ ਪੰਜਾਬੀ ਇੰਡਸਟਰੀ ‘ਚ ਮਸ਼ਹੂਰ ਹੋਏ ਹਨ ।

ਪੱਕੋ ਦਾ ਕਿਰਦਾਰ

ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਸਿੰਮੀ ਚਾਹਲ ਦੇ ਵੱਲੋਂ ਫ਼ਿਲਮ ‘ਬੰਬੂਕਾਟ’ ‘ਚ ਨਿਭਾਏ ਗਏ ‘ਪੱਕੋ’ ਦੇ ਕਿਰਦਾਰ ਬਾਰੇ।ਇਸ ਫ਼ਿਲਮ ‘ਚ ਉਨ੍ਹਾਂ ਨੇ ਇੱਕ ਸਾਂਵਲੇ ਯਾਨੀ ਕਿ ਪੱਕੇ ਜਿਹੇ ਰੰਗ ਦੀ ਕੁੜੀ ਦਾ ਕਿਰਦਾਰ ਨਿਭਾਇਆ ਸੀ । ਪਰਮਿੰਦਰ ਕੌਰ ਪੱਕੋ ਨਾਂਅ ਦੇ ਇਸ ਕਿਰਦਾਰ ਨੂੰ ਦਰਸ਼ਕਾਂ ਨੇ ਬਹੁਤ ਸਰਾਹਿਆ ਸੀ ਅਤੇ ਫ਼ਿਲਮ ‘ਚ ‘ਪੱਕੋ’ ਨੇ ਆਪਣੀ ਅਦਾਕਾਰੀ ਦੇ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਸੀ । ਇਹ ਫ਼ਿਲਮ ੨੦੧੬ ‘ਚ ਰਿਲੀਜ਼ ਹੋਈ ਸੀ।

ਗੁੱਡੀ ਨਾਂਅ ਦੇ ਕਿਰਦਾਰ ਨਾਲ ਜਿੱਤਿਆ ਦਰਸ਼ਕਾਂ ਦਾ ਦਿਲ

ਸਿੰਮੀ ਚਾਹਲ ਦੀ ਫ਼ਿਲਮ ‘ਰੱਬ ਦਾ ਰੇਡੀਓ’ ਦੇ ਨਾਲ ਵੀ ਦਰਸ਼ਕਾਂ ਦਾ ਦਿਲ ਜਿੱਤਿਆ ਸੀ । ਇਸ ਫ਼ਿਲਮ ‘ਚ ਉਨ੍ਹਾਂ ਨੇ ‘ਗੁੱਡੀ’ ਨਾਂਅ ਦਾ ਕਿਰਦਾਰ ਨਿਭਾਇਆ ਸੀ। ਸਿੰਮੀ ਚਾਹਲ ਨੇ ਇਸ ਫ਼ਿਲਮ ‘ਚ ਸਧਾਰਣ ਪੇਂਡੂ ਕੁੜੀ ਦਾ ਕਿਰਦਾਰ ਨਿਭਾਇਆ ਸੀ ।ਇਸ ਕਿਰਦਾਰ ਨੂੰ ਵੀ ਦਰਸ਼ਕਾਂ ਦੇ ਵੱਲੋਂ ਬਹੁਤ ਜ਼ਿਆਦਾ ਪਸੰਦ ਕੀਤਾ ਗਿਆ ਸੀ ਅਤੇ ਫ਼ਿਲਮ ‘ਚ ਉਨ੍ਹਾਂ ਦੇ ਨਾਲ ਤਰਸੇਮ ਜੱਸੜ ਨਜ਼ਰ ਆਏ ਸਨ।

ਬਸੰਤ ਕੌਰ ਬਣ ਦਰਸ਼ਕਾਂ ਦੇ ਦਿਲਾਂ ਤੇ ਕੀਤਾ ਰਾਜ

ਸਿੰਮੀ ਚਾਹਲ ਨੇ ਜਿੰਮੀ ਸ਼ੇਰਗਿੱਲ ਦੇ ਨਾਲ ਕੀਤੀ ਫ਼ਿਲਮ ‘ਦਾਣਾ ਪਾਣੀ’ ‘ਚ ਵੀ ਬਹੁਤ ਹੀ ਪਿਆਰਾ ਕਿਰਦਾਰ ਨਿਭਾਇਆ ਸੀ ਤੇ ਉਹ ਸੀ ਬਸੰਤ ਕੌਰ ਦਾ ਕਿਰਦਾਰ । ਇਸ ਫ਼ਿਲਮ ‘ਚ ਉਨ੍ਹਾਂ ਨੇ ਬਹੁਤ ਹੀ ਭਾਵੁਕ ਤੇ ਸੰਜੀਦਾ ਕਿਰਦਾਰ ਨਿਭਾਇਆ ਸੀ ਜਿਸ ‘ਚ ਇੱਕ ਪੇਂਡੂ ਔਰਤ ਦੇ ਜੀਵਨ ਨੂੰ ਦਰਸਾਇਆ ਗਿਆ ਸੀ ।