ਜੈਸਮੀਨ ਸੈਂਡਲਾਸ ਨਾਲ ਦੇਹਰਾਦੂਨ ਕੰਸਰਟ 'ਚ ਛੇੜਛਾੜ ਦਾ ਦਾਅਵਾ, ਗਾਇਕਾ ਨੇ ਨਹੀਂ ਕਰਵਾਈ ਕੋਈ ਸ਼ਿਕਾਇਤ

  ਪੰਜਾਬੀ ਸੰਗੀਤ ਜਗਤ ਦੀ ਮਸ਼ਹੂਰ ਗਾਇਕਾ ਜੈਸਮੀਨ ਸੈਂਡਲਾਸ (Jasmine Sandlas) ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ, ਪਰ ਇਸ ਵਾਰ ਕਾਰਨ ਉਸ ਦਾ ਕੋਈ ਨਵਾਂ ਗੀਤ ਨਹੀਂ, ਸਗੋਂ ਇੱਕ ਮੰਦਭਾਗੀ ਘਟਨਾ ਹੈ। ਉੱਤਰਾਖੰਡ ਦੀ ਰਾਜਧਾਨੀ ਦੇਹਰਾਦੂਨ ਵਿੱਚ ਇੱਕ ਲਾਈਵ ਕੰਸਰਟ ਦੌਰਾਨ ਜੈਸਮੀਨ ਨਾਲ ਛੇੜਛਾੜ ਹੋਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ। ਇਸ ਘਟਨਾ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਤੋਂ ਬਾਅਦ ਪ੍ਰਸ਼ੰਸਕਾਂ ਵਿੱਚ ਕਾਫੀ ਰੋਸ ਦੇਖਣ ਨੂੰ ਮਿਲ ਰਿਹਾ ਹੈ।

ਕੀ ਹੈ ਪੂਰਾ ਮਾਮਲਾ?

ਜਾਣਕਾਰੀ ਅਨੁਸਾਰ ਇਹ ਘਟਨਾ 17 ਜੁਲਾਈ 2026 ਨੂੰ ਦੇਹਰਾਦੂਨ ਦੇ ਪਰੇਡ ਗਰਾਊਂਡ (Parade Ground) ਵਿਖੇ ਹੋਏ ਇੱਕ ਲਾਈਵ ਕੰਸਰਟ ਦੌਰਾਨ ਵਾਪਰੀ। ਜੈਸਮੀਨ ਸੈਂਡਲਾਸ, ਜੋ ਕਿ ਆਪਣੀਆਂ ਫ਼ਿਲਮਾਂ 'ਧੁਰੰਦਰ' (2025) ਅਤੇ 'ਧੁਰੰਦਰ: ਦ ਰੀਵੈਂਜ' (2026) ਦੇ ਹਿੱਟ ਗੀਤਾਂ ਕਾਰਨ ਅੱਜਕੱਲ੍ਹ ਚਰਚਾ ਵਿੱਚ ਹੈ, ਆਪਣੀ ਪਰਫਾਰਮੈਂਸ ਖਤਮ ਕਰਨ ਤੋਂ ਬਾਅਦ ਪ੍ਰਸ਼ੰਸਕਾਂ ਨੂੰ ਮਿਲਣ ਲਈ ਸਟੇਜ ਤੋਂ ਥੋੜ੍ਹਾ ਅੱਗੇ ਵਧੀ ਸੀ।

ਜਿਵੇਂ ਹੀ ਉਹ ਫੈਨਸ ਕੋਲੋਂ ਗੁਲਾਬ ਦੇ ਫੁੱਲ ਅਤੇ ਗੁਲਦਸਤੇ ਲੈਣ ਲਈ ਨੀਵੀਂ ਹੋਈ, ਭੀੜ ਵਿੱਚ ਮੌਜੂਦ ਕਿਸੇ ਅਣਪਛਾਤੇ ਵਿਅਕਤੀ ਨੇ ਉਨ੍ਹਾਂ ਨਾਲ ਗਲਤ ਹਰਕਤ (Inappropriate touch) ਕੀਤੀ। ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਘਟਨਾ ਤੋਂ ਤੁਰੰਤ ਬਾਅਦ ਜੈਸਮੀਨ ਦੀ ਟੀਮ ਨੇ ਦਖਲ ਦਿੱਤਾ ਅਤੇ ਭੀੜ ਨੂੰ ਪਿੱਛੇ ਹਟਣ ਲਈ ਕਿਹਾ।

'ਧੁਰੰਦਰ' ਗਾਇਕਾ ਦੀ ਪ੍ਰਸਿੱਧੀ ਅਤੇ ਫੈਨ ਫਾਲੋਇੰਗ

ਜੈਸਮੀਨ ਸੈਂਡਲਾਸ ਨੇ ਹਾਲ ਹੀ ਦੇ ਸਮੇਂ ਵਿੱਚ ਕਈ ਵੱਡੇ ਧਮਾਕੇ ਕੀਤੇ ਹਨ। ਖਾਸ ਕਰਕੇ 'ਧੁਰੰਦਰ' ਫ੍ਰੈਂਚਾਇਜ਼ੀ ਦੇ ਗੀਤਾਂ ਜਿਵੇਂ ਕਿ "Shararat", "Jaiye Sajna" ਅਤੇ "Main Aur Tu" ਨੇ ਉਨ੍ਹਾਂ ਨੂੰ ਨਵੀਂਆਂ ਉਚਾਈਆਂ 'ਤੇ ਪਹੁੰਚਾ ਦਿੱਤਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਪੁਰਾਣੇ ਹਿੱਟ ਗੀਤ "Sip Sip", "Laavan" ਅਤੇ "Shararat" ਅੱਜ ਵੀ ਲੋਕਾਂ ਦੀ ਜ਼ਬਾਨ 'ਤੇ ਹਨ। ਇਹੀ ਕਾਰਨ ਸੀ ਕਿ ਮਨੋਰੰਜਨ ਜਗਤ ਦੀ ਇਸ ਸਟਾਰ ਨੂੰ ਦੇਖਣ ਲਈ ਦੇਹਰਾਦੂਨ ਵਿੱਚ ਭਾਰੀ ਇਕੱਠ ਹੋਇਆ ਸੀ।

View this post on Instagram

A post shared by Gulabi Queen (@jasminesandlas)

ਸੋਸ਼ਲ ਮੀਡੀਆ 'ਤੇ ਨਿੰਦਾ ਅਤੇ ਵਾਇਰਲ ਵੀਡੀਓ

ਘਟਨਾ ਦਾ ਵੀਡੀਓ X (ਟਵਿੱਟਰ) 'ਤੇ @chota_don ਨਾਮੀ ਯੂਜ਼ਰ ਦੁਆਰਾ ਸਾਂਝਾ ਕੀਤਾ ਗਿਆ, ਜਿਸ ਤੋਂ ਬਾਅਦ ਨੈਟੀਜ਼ਨਾਂ ਨੇ ਇਸ 'ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ। ਇੱਕ ਯੂਜ਼ਰ ਨੇ ਲਿਖਿਆ, "Harassment isn't fan behaviour; it's criminal misconduct." (ਛੇੜਛਾੜ ਪ੍ਰਸ਼ੰਸਕਾਂ ਦਾ ਵਿਵਹਾਰ ਨਹੀਂ, ਸਗੋਂ ਅਪਰਾਧਿਕ ਗੁਨਾਹ ਹੈ)। ਲੋਕਾਂ ਦਾ ਕਹਿਣਾ ਹੈ ਕਿ ਕਲਾਕਾਰਾਂ ਦੀ ਸੁਰੱਖਿਆ ਨਾਲ ਇਸ ਤਰ੍ਹਾਂ ਦਾ ਖਿਲਵਾੜ ਬਰਦਾਸ਼ਤ ਨਹੀਂ ਕੀਤਾ ਜਾਣਾ ਚਾਹੀਦਾ।

ਜੈਸਮੀਨ ਨੇ ਨਹੀਂ ਕਰਵਾਈ ਕੋਈ ਸ਼ਿਕਾਇਤ

ਹੈਰਾਨੀ ਦੀ ਗੱਲ ਇਹ ਹੈ ਕਿ ਇੰਨੀ ਵੱਡੀ ਘਟਨਾ ਹੋਣ ਦੇ ਬਾਵਜੂਦ ਜੈਸਮੀਨ ਸੈਂਡਲਾਸ ਜਾਂ ਉਨ੍ਹਾਂ ਦੀ ਟੀਮ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ। ਉੱਤਰਾਖੰਡ ਪੁਲਿਸ ਦੇ ਸੂਤਰਾਂ ਅਨੁਸਾਰ ਇਸ ਮਾਮਲੇ ਵਿੱਚ ਅਜੇ ਤੱਕ ਕੋਈ ਐਫਆਈਆਰ (FIR) ਦਰਜ ਨਹੀਂ ਕਰਵਾਈ ਗਈ ਹੈ। ਟੀਮ ਦਾ ਧਿਆਨ ਇਸ ਵੇਲੇ ਗਾਇਕਾ ਦੀ ਸੁਰੱਖਿਆ ਅਤੇ ਉਨ੍ਹਾਂ ਨੂੰ ਇਸ ਸਦਮੇ ਵਿੱਚੋਂ ਬਾਹਰ ਕੱਢਣ ਵੱਲ ਹੈ।

Dhurandhar singer Jasmine Sandlas was mobbed and inappropriately touched by the public. She was performing in Dehradun. After she finished a song, the crowd in the front row cheered, offered roses, and reached out to shake hands. She stepped down a little to accept the roses… pic.twitter.com/qb2SaO8f9j

— Chota Don (@choga_don) July 18, 2026

ਸੁਰੱਖਿਆ ਪ੍ਰਬੰਧਾਂ 'ਤੇ ਉੱਠੇ ਸਵਾਲ

ਦੇਹਰਾਦੂਨ ਦੇ ਪਰੇਡ ਗਰਾਊਂਡ ਵਿੱਚ ਹੋਏ ਇਸ ਕੰਸਰਟ ਦੇ ਪ੍ਰਬੰਧਕਾਂ 'ਤੇ ਵੀ ਸਵਾਲ ਉੱਠ ਰਹੇ ਹਨ। ਜਦੋਂ ਹਜ਼ਾਰਾਂ ਦੀ ਭੀੜ ਇਕੱਠੀ ਹੁੰਦੀ ਹੈ, ਤਾਂ ਸੁਰੱਖਿਆ ਪ੍ਰਬੰਧ ਇੰਨੇ ਕਮਜ਼ੋਰ ਕਿਵੇਂ ਹੋ ਸਕਦੇ ਹਨ ਕਿ ਕੋਈ ਕਲਾਕਾਰ ਦੇ ਇੰਨਾ ਕਰੀਬ ਆ ਕੇ ਅਜਿਹੀ ਹਰਕਤ ਕਰ ਜਾਵੇ? ਇਸ ਘਟਨਾ ਨੇ ਇੱਕ ਵਾਰ ਫਿਰ ਮਹਿਲਾ ਕਲਾਕਾਰਾਂ ਦੀ ਸੁਰੱਖਿਆ ਨੂੰ ਲੈ ਕੇ ਵੱਡੀ ਬਹਿਸ ਛੇੜ ਦਿੱਤੀ ਹੈ।

- GTC Pollywood